Ҳикмат
Бир йигит ўлтурур эди андуҳнок,
Бир йигит ўлтурур эди андуҳнок,Ногоҳ уни пири чорлади кел деб.Мурид қайғу уни қилмасдан ҳалокМуршид ҳузурига етди у елиб.“Ҳаётинг саҳнида қолмади қувонч,Аҳволинг сиррини, – деди, – англаб ет.Нечун тополмайсан сира ҳам юпанч,Мусибат келмоқда бунча кетма-кет?!Билки, қадар сенга қандай ғам берса,Қилган амалларинг сувратидир ул.Худо бошқага кўп, сенга кам берса,Буни нафсингдаги очкўзликдан бил.Асли, берилгани сен учун етар,Фақат қаноатинг йўқ эрур, холос.Токи банда Ҳаққа исёнлар этар,Фақат алам ичра топгай ихтисос.Ризойинг йўқ экан дилда, одамзод,Кетма-кет, кетма-кет азоб, кетма-кет.Оғриқларинг учун демай фақат дод,Унинг ҳикматини бир бор англаб ет!Валийлар демишки, асло шошилма,Не қилсанг, ўзингга қилгайсан ўзинг.Бўйингдан баланд ҳеч дорга осилма,Ерда топилмасдан қолмасин изинг!”Акром МАЛИК
Изоҳлар
Ҳали изоҳ йўқ. Биринчи бўлиб фикр билдиринг.