Sevgi
Toki oşiq böldim, Senga, ey ma’şuq,
Toki oşiq böldim, Senga, ey ma’şuq,Işqning çöqqisiga çiqmoq istaram.Vujudim qoplasa közing otgan öq,Ohim-la falakni yoqmoq istaram.Sensiz bir lahza ham könglim yozilmas,Sensiz bu olamning zavqi sezilmas.Har qança bayt aytdim – xumor bosilmas,Işqing daryosida oqmoq istaram.Dunyoning taşvişin bilmasa aqlim,Heç dono sözlarni aytmasa naqlim.Butun vujudimni egallab qalbim,Koinot bozorin yiqmoq istaram.Qaydan keldi bilmam – yana bu savdo,Sening yöllaringda men soyil gado.Könglimning tubida birgina sado –Sening isming bilan qolmoq istaram.Sen bölsang. Men bölsam. Boşqa bölmasa,Na ğam, na quvonç – heç bir kelmasa.Vaqtning daryosi ham aslo tölmasa,Faqat işqing bilan tölmoq istaram!..Qaçon közlarimni ravşan etgaysan?!Qaçon işq lavhiga sözing bitgaysan?!Qaçon visol jomin menga tutgaysan?!Sening qöllaringda ölmoq istaram...2024Akrom MALIK
Izohlar
Hali izoh yöq. Birinçi bölib fikr bildiring.