Сүйүү
ТӨРТ САПТАР
Өзбек тилинен которулду · Түп нуска
Жүрөгүмдө сүйүү оту кызгылт,Рухумду күйгүзүп тазалайт күндөн-күнгө.Ышк шыгы деңиздей ташыган кездеАбдан тар экениңди көрөм, о, дүйнө!***Сүйүүмдүн сүрөтүн тартсаң десем,Сырымды бермет сымал тизсең десем,Ышктын казынасын кемеңе салып,Түбөлүктүк океанында сүзсөң десем…Сөздөр алсыздыкты мойнуна алып,Кирет башын ийип жалгыздык койнуна!..***Шайтанданбы же напстенби — жолдон көп аздым,Өзүмдү өкүнүч дарына астым.Тозок отун өчүрүү үчүнРаббим, сүйүүңдүн отуна качтым!***Кээде коркунучтун алдында өлдүм, жок болдум,Анан үмүттүн колунда кубанычка толдум.Үрөй чеңгелинде зар какшап, ананЫрахат өрөөнүндө жайнадым, күлдүм!..***Кайда жүрсөм — шайтан чуңкурун казды,Рахман «чуңкурду көр» деп чырак карматты.Бутумдан чалып жыкты күнөө,Хактын ырайымы колумдан кармап тургузду.***Мени күнөөсүз деп ойлобо, бир тууган,Бирок жанымдан жылба, бир тууган.Өзүңдөй каталуу экенимди бил,Сынык тообомдон күлбө, бир тууган.***Ар күнү түрдүү ката кылам,Катаны азапка улайм.Күнөө түтүнү менен булганып кеткенде,Түндө көз жаш менен гусул кылам…***Кудайым, жүрөгүмдү азаптан куткар,Дүйнө деп аталган сагымдан куткар.Качан ойгоном! Жардам бер, Раббим,Гапылат, кумар аттуу бул уйкудан куткар!..***Ушунчалык тар экен бул асман, бул жер!Такыбалык үчүн гана тер төкпөйсүңбү?!Менде күч да жок, касиет да, кубат да,Кудайым, өмүрүмө берекеңди бер!Акром МАЛИК
Комментарийлер
Азырынча комментарий жок. Биринчи болуп пикир калтырыңыз.