Иймон
Йигитлик чоғидан сулук йўлида
Йигитлик чоғидан сулук йўлидаХизмат қилиб ўтди мухлисқалб бир зот.Аврод риштасини пирнинг қўлиданОлиб парвоз этди кенг ёйиб қанот.Сайр-у жазба ичра топаркан камол,Кўзидан раф бўлди бирма-бир ҳижоб.Унга ҳавас ила боқиб аҳли ҳол,Турфа савол бериб, истарди жавоб:“Узоқ йўл босдингиз сафо сайрида,Зикр каломини кўнгилга ёзиб.Бизга баён этинг, хизмат тавридаЭнг қиммат ўгитни, шафқат кўргазиб!..”Бош эгиб оҳиста сўз қотди солик:“Бу йўл тугамади, ҳали бор сафар…Қўрқаман бўлишдан бир куни ҳалок,Кўрдим ҳар қадамда шиддатли хатар.Умрим дарахтида битган меваниСизга тутқазаман, айланг эҳтимом –Токи қасд этдингиз ушбу шевани,Билинг: қил устида юрмишман мудом.Бандаман: яшадим чўкиб ғамимга,Гоҳо жўшиб-тошдим, гоҳида толдим.Ишимга маҳлиё бўлган дамимдаГуноҳ қамчисининг остида қолдим.Мана, тингладингиз, эй аҳли тақво,Энг ғариб ҳолимни айладим баён.Ундан ҳам ғариброқ шулдирки аҳвол,Йўқ эрур мен қамчи емаган бир он!.. “Акром МАЛИК
Изоҳлар
Ҳали изоҳ йўқ. Биринчи бўлиб фикр билдиринг.