Баъзан ҷавононеро мебинӣ, ки қобилият ва салоҳияти илм омӯхтан доранд, аммо шароит надоранд, ва мехоҳӣ ба…

Ассалому алайкум!

Баъзан ҷавононеро мебинӣ, ки қобилият ва салоҳияти илм омӯхтан доранд, аммо шароит надоранд, ва мехоҳӣ ба онҳо кӯмак кунӣ.

Мехоҳӣ кӯмак кунӣ, аммо имконият ҳамин қадар аст.

Он гоҳ дар мағз андешаи тамаъкоронае чарх мезанад, ки сарватмандони ин диёр пулҳояшонро чӣ мекарда бошанд.

Шояд онҳо пинҳон аз ҳама бетанаффус эҳсон мекунанду мо ғофилем.

Шояд дар мағзи тадбирноки онҳо тухми андешаи ба дигарон кӯмак кардан, дар маърифати халқ саҳм гузоштан ҳам нест.

Шояд онҳо на ин ки китоб хонанд, ҳатто ҳарф намешиносанд.

Шояд онҳо одамони хеле ақибмонда, аз ҳад зиёд аз ҷиҳати маънавӣ қашшоқ, аз ҳад зиёд тарсу, аз ҳад зиёд мутакаббир, ҷоҳил ва пулмаст бошанд.

Шояд ба онҳо ҳеҷ насиҳате таъсир намекунад.

Шояд дар дили онҳо заррае ғами охират нест.

Шояд онҳо риёкор, худсито, пояшон аз замин канда, худхоҳе, ки ҳеҷ касро ба назар намегирад, дилозор ва пастфитратанд…

Ё Худо!

Шояд хато мекунам?!

Ба ҳар ҳол, дар кишвари мо ягон сарватманд ташкилоте насохтааст, ки барои таҳсили ҷавонон ягон грант диҳад; ба ҳар ҳол, нашунидам, ки ягон сарватманд бо саводу дониш гап зада бошад, ё шояд онҳое, ки тафаккурашон бениҳоят паст аст, ба минбар мебароянд.

Худо нигоҳ дорад аз онҳое, ки ба пулдорон лаганбардорӣ мекунанд! Зеро аз пулдори ҷоҳил сагони лаганбардор ва сагчаҳои тамаллуқкори ӯ нафратангезтаранд.

Мурод аз гуфтани ин он аст, ки Худо дар илм ё таълим гирифтан моро абадул-абад ба пулдори беадаб, ҷоҳил ва гӯши кар, ки илмро ба назар намегирад, умедвор ва тамаъкор накунад!

Ба ошиқони илм худи Парвардигорам мадад диҳад, омин!

Акром МАЛИК