Ba’zan ilm olişga qobiliyati va salohiyati bor, lekin şaroiti yöq yoşlarni körib, ularga yordam berişni…

Assalomu alaykum!

Ba’zan ilm olişga qobiliyati va salohiyati bor, lekin şaroiti yöq yoşlarni körib, ularga yordam berişni istaysan.

Yordam beray deysan-u, imkoning haminqadar böladi.

Şunda bu yurtning boylari pullarini nima qilişar ekan degan tamagir bir öy miyada aylanadi.

Balki ular hammadan yaşirinça tinimsiz ehson qilib yotişgandir-u, biz ğofilmiz.

Balki ularning tadbirli miyalarida boşqalarga yordam beriş, xalqning ma’rifatiga hissa qöşiş degan öyning uruği ham yöqdir.

Balki ular kitob öqiş tugul, harf tanimas.

Balki ular juda qoloq, haddan taşqari ma’naviy qaşşoq, haddan taşqari qörqoq, haddan taşqari takabbur, johil, pul quturtirgan odamlardir.

Balki ularga biror nasihat ta’sir qilmas.

Balki ularning qalbida oxiratning zarraça ğami yöqdir.

Balki ular riyokor, maqtançoq, oyoği yerdan uzilgan, heç kimni nazar-pisand qilmaydigan xudbin, dilozor va olçoqdirlar…

Yo Xudo!

Adaşayotgandirman?!

Harqalay, yurtimizda biror boy yoşlarni öqitiş uçun birorta grand beradigan taşkilot qilmagan, harqalay, birorta boyning sa’viya bilan gapirganini eşitmadim yoki fikrlaşi öta pastlari minbarga çiqsa kerak.

Puldorlarga laganbardorlik qiladiganlardan Xudo saqlasin! Çunki johil puldordan uning laganbardor itlari va tilyoğlama köppaklari jirkançroq.

Buni aytişdan murodim şuki, Xudo ilm yoki ta’lim olişda ilmni pisand qilmaydigan adabsiz, johil va kar-kar puldordan bizni abadul abad umidvor va tamagir qilmasin!

Ilm oşiqlariga Robbimning Özi madad bersin, omin!

Akrom MALIK