Сабр
Дастоне, ки санги туҳмат андохтанд, бурида шаванд,
Тарҷума аз забони ӯзбекӣ · Матни аслӣ
Дастоне, ки санги туҳмат андохтанд, бурида шаванд,Забонҳое, ки сухани туҳмат гуфтанд, бурида шаванд.Туҳматчӣ, албатта, аз забони худ овехта гардад,Ту бошӣ, идома деҳ, бознаист, эй дӯст,Дар хокистари ноумедӣ дуд макун, эй дӯст.Ҳар кӣ ба дил ханҷар зад, фаромӯш кун,Ҳар кӣ рӯ гардонд, аз ӯ дуртар рав.Сидқу садоқатро маҳкамтар нигоҳ дор,Рӯзе ҳаст, ки бузургтарин маҳкама аст, эй дӯст,Ба касони бесубот монанд машав, эй дӯст,Ғами аз ҳад гузашта хафақон меорад,Дар чанголи ғам ҷон мепечад.Бар ҳузн ғолиб бош, шайтон ғолиб наояд,Пеши душманон лангон машав, эй дӯст,Дар зулмати зулм нанол, эй дӯст.Агар саратон танро фаро гирад,Агар аз решааш набурӣ, хавфу хатар ояд.Дӯсти каззоб аз заҳри саратон бадтар аст,Дар чанголи каззоб маларз, эй дӯст,Дар оғӯши ғафлат пинак марав, эй дӯст.Хабари шум бешак шумқадам бувад,Чун шумқадам ояд, бешак ғам ояд.Аз сухани шум бовариҳо бешак мемиранд,Шумонро дӯст гирифта, гиря макун, эй дӯст,«Афсӯс» гуфта, синаатро доғ макун, эй дӯст.Дӯст аз умед сухан мекушояд,Чун ӯ ояд, ғаму ғуссаҳо мегурезанд.Аз чашмонаш равшанию нур мерезад,Гумроҳ шуда, хоинро ҳеҷ ба оғӯш магир, эй дӯст,Аз дӯсти ростин ҳеҷ гоҳ даст накаш, эй дӯст,Аз азобу ғазаб, аз шабу дуд,Аз фоли бад, ҳоли бад, аз ҷину ҷунун,Агар беист аз ваҳму ҳузн гап занад,Чунин касофатро нигоҳ мадор, эй дӯст,Ангиштро пок кардан хоста, сафед макун, эй дӯст.Доимо бадбинону ғампошонро дидем,Онҳоеро, ки аз ғами ту ош мехӯранд.Бадгӯёну суханчинони бадро,Дар дасти онҳо дом ҳаст, эй дӯст,Агар онҳоро бинӣ, дур гурез, эй дӯст.Агар бинӣ, ки касе дар ғарғараи ҷон аст,Ба ҳолаш бо шафқату раҳмат нигар!Меҳр нишон деҳ, шояд азобаш дурШавад, аҷаб нест, ин эҳсон аст, эй дӯст,Он ки ин корро кард, инсони ҳақиқист, эй дӯст.Ҳатто агар сангҳо борад, сухани нек бигӯ,«Тавба ҳаст, раҳмат ҳаст» бигӯ, то чашмҳо дурахшанд!Некӣ, албатта, некро меҷӯяд,Нек бош, некӣ туро меёбад, эй дӯст,Ҳақ ҳиҷоби раҳматро бар ту мепӯшонад, эй дӯст.Дилатро аз ғамҳо фориғ кун,Аз ноумедӣ рангат зард нагардад!Дилат шабу рӯз доим равшан бошад,Қани, аз ҳузн бурун о, қани, биханд, эй дӯст,Раҳмати Ҳақ васеъ аст, умед кун, эй дӯст!Акром МАЛИК
Шарҳҳо
Ҳоло шарҳе нест. Аввалин шуда фикри худро нависед.