Ҳаёт
Кўпинча сесканиб кетаман ногоҳ,
Кўпинча сесканиб кетаман ногоҳ,Бутун вужудимда ўйнайди титроқ.Эшик тақиллайди, тақиллар бадхоҳ,Излайман ичимда ёққани чироқ.Эшикнинг ортида турган ул зотнингҲатто кимлигини билгим келмайди.Қанча рангин бўлсин, аммо ҳаётнингТиканли боғида кулгим келмайди.Эшик ортидаги зотдан қўрқаман,Олиб кетмоқ учун келгандек гўё.Ойнада ўзимга ўзим боқаман,Қандай рангсиздирсан, эй кулранг дунё!Қалбим яраланган – оқади қони,Нафсим тубанликдан сўйлар ҳикоя.Тошиб хаста руҳнинг оҳу фиғони,Баъзан сафарига истар ниҳоя.Севдим гўзалларни хору хас бўлиб,Ҳамма бир-бир кетгай, қалб – карвонсарой.Ичкари фарёдга кетдию тўлиб,Аммо меҳмонларга бор ҳамиша жой.Келиб кетган бисёр, аммо ҳеч бир зотКўрмас дард-аламнинг хом-ашёсини.Мезбон ҳимматлидир, соҳиби сабот,Кўрсатмас ҳеч кимга дийдиёсини.Оёқ ости бўлса бу бечора кас,Ҳар ўтган, албатта, ўтса тепкилаб;Эҳтимол, яхшилик шу, ажаб эмас,Қадар ундек қилса ҳар куни элаб.Майли, олифталар, майли, учганлар,Майли, сир кашфига бермаганлар дош.Дунёни эркалаб, суйиб қучганлар,Бир кун кўзингизни суғорсин кўзёш.Чунки қақраб қолган кўздан хайр йўқ,У асло ёритмас кўнгил хонасин.Сизга бир нуқтадан ўзга сайр йўқ,Аммо юрагингиз бир кун қонасин.Шунда кўзингизга кўрингай ҳаёт,Шунда эшитгайсиз эшикдан тақ-тақ.Кетишни истамай қилиб оҳу дод,Аммо қолгингиз ҳам келмайди мутлақ.Акром МАЛИК
Изоҳлар
Ҳали изоҳ йўқ. Биринчи бўлиб фикр билдиринг.