Ақиқат бәрінен биік тұрады.

Жақында мектепте оқушы мұғалімге қол көтерді және бұл үлкен дау-дамайға айналды. Сонда оқушылар қалайша осы деңгейге дейін жетті деген сұрақ мені ойландырды. Және мектептерде ер мұғалімдердің жоқтың қасы екенін және ұстаздардың шамамен 99,9 пайызы әйелдерден тұратынын басты фактор ретінде көрдім. Перзентті өсіруде әке мен ананың орны бірдей маңызды болғаны сияқты, ұл балалар тәрбиесінде ер мұғалімнің орны қаншалықты маңызды екені жоққа шығаруға болмайтындай айқын ақиқат. Бала өзінен үлкендерден түс алады. Әйелдің табиғаты қандай екені есін білген әрбір адамға мәлім: — әйелдер сезімге берілгіш келеді, олар шешім қабылдауда алысты көре алмайды; — әйелдер асығыс келеді, тез жанжал шығаратыны да содан; — әйелдер қателігін мойындамайды, өте үлкен машақатпен ғана қателігін мойнына алуы мүмкін; — әйелдер нәзік әрі сәнденуге құмар; — әйелдер мейірімді әрі жанашыр келеді, қатыгездік пен дөрекілік оларға жат. Бұл – олардың әйелдік қасиеті, бұдан басқаша болуы мүмкін емес, осы мағынада бұл қасиеттер әйелдерге – көрік, ерлерге – мін. Ұл бала – болашақ отбасы басшысы. Одан Отанды қорғау, күш-қуат, байыптылық, тұрақтылық, сезімін басқару, салқынқандылық және бірқатар жауапкершіліктер талап етіледі. Бұл қасиеттер мен мінездер ұл балада алты-жеті жасынан бастап қалыптасады. Ең бастысы, бұл қасиеттерді әйел емес, ер адам үйрете алады, оның үстіне бұл қасиеттер сөзге қарап емес, үлгіге қарап үйреніледі. Дәл осы маңызды кезеңде – 7 – 18 жас аралығында, ұл бала тұлға ретінде қалыптасатын кезеңде біздің қоғамымызда бала әкесін дерлік көрмейді; тек анасымен араласады; мектепте болса тек әйелдерден тұратын ұстаздардың қолында қалады. Нәтижесінде оны тежеп тұратын, онда табандылықты, әдеп-ахлақты, инсап-иманды, ойлау мен пайымдылықты қалыптастыратын күш мүлдем жоқ. Ал бала жеңілтек, қиялына не келсе, соны істейтін; уәдесінде тұрмайтын; отбасы жауапкершілігін сезінбейтін; шешімдері тез өзгеретін; дербес шешімге дәрменсіз; қорқақ, сонымен бірге агрессивті; өзіне көп сән беретін болып өсуде. Енді оған ерлерге тән қатаңдық көрсетілсе, еш тайынбай ұстазына қол көтеріп жатыр; ұстаз әйелдерді боқтап жатыр; ал бұл жағдай дерлік жаппай сипат алып барады. Кейбір дәлелдер: 1-бейне 2-бейне 3-бейне 4-дереккөз 5-дереккөз

Бұл ақиқатты, менің кішігірім пікірімше, әрбір ақылды адам растайды, сондықтан бұл пақыр мектептерге мықты әрі ақылды, ілімді әрі ұтқыр ер мұғалімдерді қайтару шарасын көру керек деп ойлаймын. Қазір жігіттеріміздің жауапсыз, масыл, отбасын құруға дайын еместігінің астарында да біз айтып өткен себептер жатыр. Жақында «Характер» онлайн жобасын бастаған едік. Мақсат – жігіттерде ерге тән мінезді қалыптастыру; уәдесіне адал; отбасыжанды; әйелдерді қадірлейтін; өзіне сенген бір табиғатты тәрбиелеу. Бұл бірқатар практикалық кезеңдерден тұрады. Міне, осы жоба хабарландыруы аясында: «Мектептерде 12 жыл қатын мұғалімдерден білім алған ұл балаларда ер мінезі қалыптаспай жатыр. Сондықтан бүгін 18 жасар бозбалаларда әлі де дүниетаным жоқ, әрекеттерінде, сезімдері мен қарым-қатынастарында қатындардың қасиеттері көзге түседі. Қатын тәрбиесінің нәтижесінде ұл бала ерге тән табандылықтан, сөзінде тұрақтылықтан, қатқылдықтан, ерліктен және ұтқыр ойлаудан айырылып өседі», – деп жазған едік. Дәл осы бөлігіне екі әйел мұғалімнен қарсылық келді. Біреуі: «Мен 20 жылдық мұғалім ретінде бұл хатты сізге жазып отырмын. Соңғы жазған постыңыз ерлерге арналса да, мұны мен сияқты әйел ұстаздарға қорлау деп білемін. Өмірімізді балалардың біліміне арнап, бұл жолдағы машақаттарға мейлі, осы балалардың болашағы ұлы болсын деп өзімізді жұбатып, енді сізден мұндай сөздерді естуіміз керек пе? Жақсы іс істемепсіз. Әттең», – деп жазыпты.

Ал біреуі: «...жасы үлкен және отбасын адал жолмен асырап отырған көптеген ұстаз әйелдердің көңілін қалдыратын пост болыпты. Мейлі еді, ақиқат болса да, бұлайша жария етпеу керек еді, бәлкім», – депті. Құрметті ұстаздарым! Сөздерім жүрегіңізді ауыртқаны үшін кешірім сұраймын. Пікір білдіріп, хат жазғаныңыз үшін рақмет! Бұл жерде сіздерге ешқандай қорлау жоқ немесе еңбегіңіз бен машақатыңызды жоққа шығару да жоқ, керісінше, жағдайдың маңыздылығының баяны бар. Екеуіңіз жазған мәтінде де әйелдерге тән әсершілдік сезіліп тұр. Керісінше, «Акром Малик, дұрыс айтасыз, мектептерімізде ер ұстаздар көбейсе, жақсы болар еді» деген мойындау нағыз терең бір сөз болар еді. Сондай-ақ «қатын» сөзінен ренжіпті, ал шын мәнінде «қатын» (хатун) сөзі түпкі мағынасында – мемлекетке басшылық ететін әйел деген сөз. Ал «әйел» сөзі отбасына қамқорлық жасаушы деген мағынаға ие. 👉 Қараңыз. Келіңіздер, ақиқатқа тура қарайық, өмірге назар салайық және бүгін ұлдарға шынайы ер тәрбиесі жетіспей жатқанын мойындайық және мәселені практикалық тұрғыдан шешу шарасын көрейік. Әйтпесе, біз бұл мәселеде одан да күрделі проблемалар құйынында қаламыз. Бағдар бұзылу жағдайларының қасіретті түрде көбею қаупін де назардан тыс қалдырмайық. Дүниетанымы әлі сәбидікі сияқты қалып бара жатқан ұлдарымыздың ертең отбасын қалай басқаратыны туралы көбірек бас қатырайық. Сонда біздің сөздеріміз сізге батпайды, керісінше, өте ұнап, қолдай бастайсыз. Үміттенемін, осы көзқарастарымызды құрметті апа-қарындас мұғалималарымыз дұрыс түсінді және өз перзенттерінің тәрбиесінде де бұл қырды ескереді. Мамандық таңдап жатқан жігіттерге арнап айтамыз, қымбатты достар! Мұғалім болыңыз! Бүгін мектептер ер ұстаздарға мұқтаж, сіздердің шешіміңіз бүкіл Отан мен халық болашағы үшін маңызды! Мектептерге оралыңыздар, ер мұғалімдер!

Акром МАЛИК